Devapriyaji - True History Analaysed

admin · Guru

சேகர்பாபு - இந்து சமய அறக்கட்டளைத் துறை

admin · Guru

தமிழகத்தில் கோயில் நிதியில் கல்வி நிறுவனங்கள், வணிக வளாகம் கட்ட கூடாது: நீதிமன்றம்

மதுரை: தமிழகத்தில் கோயில் நிதியில் திருமண மண்டபம், வணிக வளாகம், கல்வி நிறுவனங்கள் கட்டுவது தொடர்பாக 2021-22, 2022-23 2023-24, 2024-25, 2025-26 ஆண்டுகளில் அறநிலையத் துறை பிறப்பித்த அறிவிப்பாணைகளை ரத்து செய்யக் கோரி செந்தில்குமார், பாண்டிதுரை, கனகராஜ், நாச்சியப்பன், ராம ரவிகுமார் ஆகியோர் உயர் நீதிமன்ற மதுரை அமர்வில் மனு தாக்கல் செய்தனர்.

இந்த மனுக்களை நீதிபதிகள் எஸ்.எம்.சுப்பிரமணியம், ஜி.அருள்முருகன் அமர்வு விசாரித்தது. அறநிலையத் துறை சார்பில் அரசு வழக்கறிஞர் பி.சுப்பாராஜ், மனுதாரர்கள் சார்பில் வழக்கறிஞர்கள் ராம.அருண்சுவாமிநாதன், ஜெயராம் சித்தார்த், ஏ.ஆர்.லக் ஷ்மணன், விஷ்ணுவர்த்தன் ஆகியோர் வாதிட்டனர்.

பின்னர் நீதிபதிகள் பிறப்பித்த உத்தரவு: கோயில் உபரி நிதியில் திருமணமண்டபம், வணிக வளாகங்கள், கல்வி நிறுவனங்கள் கட்ட அரசு முடிவு செய்துள்ளது. இதை யடுத்து அறநிலையத்துறை பட்ஜெட் நிதி மற்றும் கோயில் உபரி நிதியில் கோயில் வளாகம் மற்றும் பிற இடங்களில் திருமண மண்டபம் மற்றும் வணிக வளாகங்கள் கட்ட அறிவிப்பாணைகளை பிறப்பித்துள்ளது.

இந்த அறிவிப்பாணைகள் வணிக நோக்கத்தில் பல்வேறு கட்டிடங்களை கட்டுவதன் மூலம் அறநிலையத் துறை வணிக நடவடிக்கையில் இறங்கியிருப்பதை காட்டுகிறது. கோயில் உபரி நிதியில் திருமணம் கட்டும் விவகாரத்தில் உயர் நீதிமன்றத்தில் ஏராளமான வழக்குகள் தொடரப்பட்டு, அந்த வழக்குகளில் விரிவாக விவாதம் நடத்தப்பட்டு உத்தரவுகள் பிறப்பிக்கப்பட்டுள்ளன. அந்த வழக்குகளில் எழுப்பப்பட்டுள்ள விவகாரங்கள்தான் இந்த வழக்குகளிலும் எழுப்பப்பட்டுள்ளன.

இதனால் அவற்றின் உத்தரவு இந்த வழக்குகளுக்கும் பொருந்தும். அந்த உத்தரவின்படி, கோயில் நிதியை இந்து மத நிகழ்வுகள், கோயில் மேம்பாடு, பக்தர்களின் நலன் ஆகியவற்றுக்குத்தான் பயன்படுத்த வேண்டும். இதைக் கருத்தில் கொள்ளாமல் கோயில் நிதியில் வணிக ரீதியாக கட்டிடங்கள் கட்ட முடிவு செய்து அறிவிப்பாணைகள் வெளியிடப்பட்டுள்ளன. இது அறநிலையத் துறை சட்டத்துக்கு எதிரானது. எனவே, கோயில் நிதியில் திருமண மண்டபம் கட்டுவது தொடர்பான அரசாணை ரத்து செய்யப்படுகிறது எனக் கூறப்பட்டுள்ளது.

இந்த உத்தரவின்படி கோயில் நிதியில் திருமண மண்டபம், வணிக வளாகம், கல்வி நிறுவனங்கள் கட்டுவது தொடர்பான அரசு மற்றும் அறநிலையத் துறையின் உத்தரவு மற்றும் அறிவிப்பாணைகள் ரத்து செய்யப்படுகின்றன. இவ்வாறு நீதிபதிகள் உத்தரவில் கூறியுள்ளனர்.

https://www.hindutamil.in/news/tamilnadu/1375538-court-orders-educational-institutions-shopping-malls-should-not-be-built-with-temple-funds-in-tn-1.html

admin · Guru

கோயில் நிதியில் வணிக வளாகங்கள் கட்ட தடை: கட்டுமானப் பணிகளை நிறுத்திவைக்க உயர் நீதிமன்றம் உத்தரவு 26 Jun, 2025 https://www.hindutamil.in/news/tamilnadu/1366994-court-bans-construction-of-commercial-complexes-with-temple-funds.html

கோயில் நிதியில் இருந்து வணிக வளாகங்கள், திருமண மண்டபங்கள் போன்றவற்றை கட்டுவதற்கு தடை விதித்துள்ள உயர் நீதிமன்றம், கட்டுமானப் பணிகளை நிறுத்திவைக்குமாறு உத்தரவிட்டுள்ளது.

ஆலய வழிபடுவோர் சங்கத் தலைவர் மயிலாப்பூர் டி. ஆர். ரமேஷ் சென்னை உயர் நீதிமன்றத்தில் தாக்கல் செய்த மனுவில் கூறியிருப்பதாவது: கோயில்களின் உபரி நிதியைக் கொண்டு வணிக வளாகம் கட்டுவது உள்ளிட்ட பணிகளை மேற்கொள்ளக் கூடாது என உயர் நீதிமன்றம் ஏற்கெனவே உத்தரவிட்டுள்ளது. உச்ச நீதிமன்றமும் அதை உறுதி செய்துள்ளது.

ஆனால், இதை மீறி தமிழகம் முழுவதும் உள்ள பல்வேறு கோயில்களின் நிதியைக் கொண்டு, திருமண மண்டபங்கள், கலாச்சார மையங்கள், நிர்வாகக் கட்டிடங்களை அறநிலையத் துறை கட்டி வருகிறது. இதுபோன்ற பணிகளை மேற்கொள்ளும் முன் பக்தர்களின் கருத்துகளை கேட்க வேண்டும். மேலும், சம்பந்தப்பட்ட கோயிலின் அறங்காவலர்கள் குழுக் கூட்டத்தைக் கூட்டி, ஆட்சேபனையும் இல்லையென்ற பிறகே கட்டுமானப் பணிகளை தொடங்க வேண்டும்.

ஆனால், தமிழக அரசும், அறநிலையத் துறை அதிகாரிகளும் விதிமுறைகளுக்குப் புறம்பாக, தமிழகம் முழுவதும் தற்போது பல நூறு கோடி ரூபாய் மதிப்பில் பல்வேறு கோயில்களில் கட்டுமானப் பணிகளை சட்டவிரோதமாக மேற்கொண்டு வருகின்றனர். குறிப்பாக, மயிலாப்பூர் கபாலீஸ்வரர், சுசீந்திரம் குமாரசாமி, பழனி தண்டாயுதபாணி சுவாமி, ராமேசுவரம் ராமநாத சுவாமி, பவானி சங்கமேஸ்வரர், ஆனைமலை மாசாணியம்மன், பண்பொழி திருமலைக்குமார சுவாமி, காட்டுமன்னார் கோவில் பேசும்பெருமாள், ஈரோடு பண்ணாரி மாரியம்மன், திருநெல்வேலி நெல்லையப்பர், எழும்பூர் சீனிவாசப்பெருமாள், பாடி திருவல்லீஸ்வரர், ஸ்ரீவில்லிபுத்தூர் நாச்சியார், வீரபாண்டி கவுமாரியம்மன் உள்ளிட்ட கோயில்களின் நிதியில் இருந்து கட்டுமானப் பணிகளை மேற்கொள்ள டெண்டர் கோரப்பட்டு, பல இடங்களில் பணிகள் நடைபெற்று வருகின்றன.

எனவே, கோயில் நிதியில் இருந்து எந்த கட்டுமானப் பணிகளையும் மேற்கொள்ளக் கூடாது என தடை விதி்க்க வேண்டும். மேலும், இது தொடர்பான டெண்டர் அறிவிப்பாணைகளையும் ரத்து செய்ய வேண்டும். இவ்வாறு மனுவில் வலியுறுத்தியிருந்தார்.

இந்த வழக்கு விசாரணை தலைமை நீதிபதி கே.ஆர்.ஸ்ரீராம் மற்றும் நீதிபதி சுந்தர்மோகன் ஆகியோர் அடங்கிய அமர்வில் நடந்தது. மனுதாரர் தரப்பில் வழக்கறிஞர்கள் பி.ஜெகந்நாத், நிரஞ்சன் ராஜகோபாலன் ஆஜராகி வாதிட்டனர். அறநிலையத் துறை தரப்பில் சிறப்பு அரசு வழக்கறிஞர் என்.ஆர்.ஆர்.அருண் நடராஜன், தமிழக அரசு தரப்பில் வழக்கறிஞர் கே. கார்த்திக் ஜெகந்நாத் ஆகியோர் வாதிட்டனர்.

அனைத்து தரப்பு வாதங்களையும் கேட்ட நீதிபதிகள், "கோயில் நிதியைக்கொண்டு வணிக வளாகம், திருமண மண்டபம் போன்ற கட்டுமானப் பணிகளை மேற்கொள்ளக்கூடாது என ஏற்கெனவே பி.பாஸ்கர் என்பவர் தொடர்ந்த வழக்கில் உயர் நீதிமன்றம் பிறப்பித்துள்ள உத்தரவை அதிகாரிகள் கண்டிப்பாக கடைபிடிக்க வேண்டும். இந்த வழக்கில் அறநிலையத் துறை தரப்பில் இரு வாரங்களில் பதில் மனு தாக்கல் செய்ய வேண்டும்" என உத்தரவிட்டு, விசாரணையை வரும் ஜூலை 24-ம் தேதிக்கு தள்ளிவைத்துள்ளனர். மேலும், அதுவரை எந்த கட்டுமானப் பணிகளையும் மேற்கொள்ளக் கூடாது, தற்போதைய நிலையே தொடர வேண்டும் என்றும் அறநிலையத் துறைக்கு நீதிபதிகள் உத்தரவிட்டுள்ளனர்.

admin · Guru

திருச்சி லுத்தரன் சர்ச் -பிஷப் ஹைமன் நினைவு தொடக்கப்பள்ளி HM கிரேஸ் சகாய ராணி மகன் Dr. சாம்சன் டேனியல் ஹாஸ்டல் குழந்தைகளுக்கு பாலியல் தொல்லை. கைது

திருச்சியில் அதிர்ச்சி... பிஷப் ஹைமன் நினைவுத் (தமிழ் சுவிசேஷ லுத்தரன் சர்ச் ) தொடக்கப்பள்ளி ஹாஸ்டல் குழந்தைகளுக்கு பாலியல் தொல்லை; தாய் தலைமையசிரியர். கிரேஸ் சகாய ராணி மகன் டாக்டர் சாம்சன் டேனியல் மகன் அதிரடியாக கைது By : திருச்சி தீபன் | Updated at : 04 Sep 2024

கடந்த 6 மாத காலமாக, பள்ளி விடுதி மாணவிகளை பாலியல் துன்புறுத்தல் செய்ததாக அரசு மருத்துவர் சாம்சன் போக்சோவில் கைது.

தமிழ்நாட்டில் பள்ளி மற்றும் கல்லூரிகளில் தொடர்ந்து பாலியல் ரீதியாக குற்ற சம்பவங்கள் வெளிவரும் நிலையில் திருச்சி தனியார் பள்ளியில் படிக்கும் குழந்தைகளுக்கு பாலியல் ரீதியாக மருத்துவர் துன்புறுத்திய சம்பவம் பெரும் அதிர்ச்சியை ஏற்படுத்தி உள்ளது.

https://tamil.abplive.com/news/trichy/trichy-news-school-students-molested-mother-son-arrested-tnn-199447

திருச்சி மாநகர் கிழக்கு சட்டமன்ற தொகுதிக்குட்பட்ட தனியார் பள்ளி செயல்பட்டு வருகிறது. இப்பள்ளியில் ஒன்றாம் வகுப்பு முதல் ஐந்தாம் வகுப்பு வரை பயிலும் குழந்தைகள் விடுதியில் தங்கி பயின்று வருகின்றனர். மேலும் பள்ளியின் தலைமை ஆசிரியராக கிரேஷ் சகாயராணி பணிபுரிந்து வருகிறார்.

இந்த நிலையில் தலைமை ஆசிரியர் கிரேஸ் சகாயராணி என்பவரது மகன் சாம்சன் லால்குடியில் அரசு ஆரம்ப சுகாதார நிலையத்தில் மருத்துவராக உள்ளார்.

மேலும், தாய், பள்ளியின் தலைமை ஆசிரியையாக இருப்பதால், அவ்வப்போது, சாம்சன் டேனியல், பள்ளி விடுதிக்கு சென்று வருவதை யாரும் கண்டுகொள்வதில்லை. இதை தனக்கு சாதகமாக பயன்படுத்தி மாணவிகள் சிலருக்கு பாலியல் தொல்லை கொடுத்ததாக கூறப்படுகிறது.

இதனை தொடர்ந்து, குழந்தைகள் உதவி மையம் 1098 எண்ணிற்கு புகார் வந்ததன் அடிப்படையில், திருச்சி மாவட்ட சமுக நலத்துறை அலுவலர் விஜயலட்சுமி, திருச்சி சத்திரம் பேருந்து நிலையம் அருகே உள்ள ஒருங்கிணைந்த கோட்டை காவல் நிலையம் அனைத்து மகளிர் காவல் நிலையத்தில் புகார் அளித்துள்ளார்.

இந்த புகாரை அடுத்து சாம்சங் மீது போக்சோ சட்டத்தின் கீழ் வழக்கு பதிவு செய்து கைது செய்து விசாரணை நடத்தினர். இதனை தொடர்ந்து, கோட்டை அனைத்து மகளிர் பெண் காவலர்கள் சம்பவம் நடைபெற்ற பள்ளியில் சக பள்ளி குழந்தைகளிடம் தனித்தனியே விசாரணை நடத்தினர்.

மேலும் விசாரணை மேற்கொண்ட போலீசார் கூறுகையில்..

பாதிக்கப்பட்ட மாணவிகள், தலைமை ஆசிரியையின் மகன் என்பதால், வெளியே சொல்வதற்கு தயக்கம் காட்டியதாக கூறப்படுகிறது. அவரது அத்துமீறல் அதிகரிக்கவே, பாதிக்கப்பட்ட மாணவிகள், பெற்றோர் மற்றும் வார்டன் ஆகியோரிடம் தெரிவித்தனர். விசாரணையில், சாம்சன் டேனியல் மாணவிகளுக்கு தொடர்ந்து பாலியல் தொல்லை கொடுத்தது உறுதி செய்யப்பட்டது.

மேலும், குற்றத்தை மறைத்ததாக கூறி பள்ளி தலைமை ஆசிரியை கிரேஸ் சகாய ராணியையும் நேற்று இரவு போலீசார் கைது செய்தனர். சாம்சன் டேனியில் சிகிச்சைக்கு வந்த பெண்களுக்கும் பாலியல் தொல்லை கொடுத்தாரா என விசாரணை நடக்கிறது.

பள்ளி மாணவிகளுக்கு பாலியல் தொல்லை; அரசு மருத்துவர், அவரது தாய் கைது!

https://www.nakkheeran.in/24-by-7-news/thamizhagam/trichy-melapudur-area-bishop-hyman-memorial-primary-school-incident

திருச்சி லேடீஸ் ஹாஸ்டல்ல பெண்கள் மீது "கை" வைத்த அரசு டாக்டர்.. அம்மா பண்ற வேலையா இது? ஸ்கூல் HM வேற

Read more at: https://tamil.oneindia.com/news/trichirappalli/trichy-government-school-head-mistress-and-lalgudi-gov-doctor-arrested-for-girls-students-hostel-iss-635579.html

மாணவிகளுக்குப் பாலியல் தொல்லை; தாயாருடன் மருத்துவர் கைது

admin · Guru

போலி NCC முகாம்கள் வழக்கு: தமிழ்நாடு அரசு ஒவ்வொரு மூன்று மாதங்களுக்கும் அறிக்கை தாக்கல் செய்ய மெட்ராஸ் உயர்நீதிமன்றம் உத்தரவு

வெளியீடு: நவம்பர் 21, 2024
ஆதாரம்: The New Indian Express

சென்னை: கிருஷ்ணகிரி மற்றும் பிற மாவட்டங்களில் நடைபெற்ற போலி NCC (தேசிய மாணவர் பயிற்சி படை) முகாம்களில் மாணவர்கள் பாலியல் வன்கொடுமைக்கு உள்ளாக்கப்பட்ட வழக்கு தொடர்பாக, தமிழ்நாடு அரசு ஒவ்வொரு மூன்று மாதங்களுக்கும் விசாரணையின் முன்னேற்றம் மற்றும் எடுக்கப்பட்ட நடவடிக்கைகள் குறித்த அறிக்கையை தாக்கல் செய்ய வேண்டும் என்று மெட்ராஸ் உயர்நீதிமன்றம் உத்தரவிட்டுள்ளது.

நீதிபதிகள் டி. கிருஷ்ணகுமார் மற்றும் பி.பி. பாலாஜி அடங்கிய இரு நீதிபதிகள் அமர்வு, இந்த உத்தரவை புதன்கிழமை (நவம்பர் 20, 2024) வழங்கியது. வழக்கறிஞர் ஏ.பி. சூர்யபிரகாசம் தாக்கல் செய்த பொது நல வழக்கு (PIL) மனுவை விசாரித்து, இந்த உத்தரவு பிறப்பிக்கப்பட்டது. மனுதாரர், பாலியல் வன்கொடுமை வழக்கை CBI (மத்திய புலனாய்வு அமைப்பு) விசாரிக்க வேண்டும் என்று கோரியிருந்தார்.

நீதிமன்றம், அரசு இந்த புகார்களுக்கு எதிராக விரைவாக நடவடிக்கை எடுத்ததை சுட்டிக்காட்டி, மாவட்ட சட்டப்பணிகள் ஆணையத்தின் தலைவரை விசாரணைகளை கண்காணிக்கவும், பள்ளி மாணவர்களுடன் தொடர்ந்து தொடர்பு கொண்டு ஆலோசனைகளை சமர்ப்பிக்கவும் உத்தரவிட்டது.

மேலும், பாதிக்கப்பட்ட குழந்தைகளுக்கு 1.7 கோடி ரூபாய் இழப்பீடு தொகையை உடனடியாக வழங்குமாறு அதிகாரிகளுக்கு நீதிமன்றம் உத்தரவிட்டது.

அரசு தரப்பு வழக்கறிஞர் (Advocate General) பி.எஸ். ராமன், நீதிமன்றத்திற்கு தெரிவித்ததாவது: ஒரு காவல் துறை தலைமை ஆய்வாளர் (IGP) தலைமையிலான சிறப்பு விசாரணைக் குழு (SIT) இந்த புகார்களை விசாரித்து வருகிறது. மேலும், பல துறைகளை உள்ளடக்கிய குழு, இதர தொடர்புடைய விஷயங்களில் கவனம் செலுத்தி வருகிறது.

இந்த உத்தரவு, வழக்கு தொடர்பான விசாரணையில் வெளிப்படைத்தன்மையையும், பாதிக்கப்பட்டவர்களுக்கு நீதி கிடைப்பதையும் உறுதி செய்யும் முக்கிய நடவடிக்கையாக கருதப்படுகிறது.

Fake NCC camps case: Madras HC directs TN government to file report every three months

The bench also directed the authorities concerned to disburse the compensation amount of Rs 1.7 crore to the affected children.

Updated on:

21 Nov 2024, 9:00 am

1 min read

CHENNAI: The Madras High Court has directed the state government to file a report once in three months on the progress of the investigation and other actions taken in connection with the sexual assault of students at fake NCC camps held in Krishnagiri and other districts.

A division bench of Justices D Krishnakumar and PB Balaji passed the orders on Wednesday while disposing of a PIL petition filed by advocate AP Suryaprakasam seeking a CBI probe into the sexual assault.

Pointing out the swift action taken by the government on the complaints of sexual assault, the bench directed the district legal services authority head to monitor the inquiries and continuously interact with school children and submit suggestions.

The bench also directed the authorities concerned to disburse the compensation amount of Rs 1.7 crore to the affected children.

AG PS Raman informed the court that the special investigation team led by an IGP is probing into the complaints and the multi-departmental team is concentrating on other related matters.